Þessi öryggiskóði sem settur var á kommentin setti punktinn yfir i-ið. Ég er farin yfir á http://www.123.is/sardinan

Og afhverju er ég hetja? Það er nú bara af því að ég get vaxað á mér fótleggina, handakrikann og bikinílínuna aaaalein heima í stofu. Að vísu horfa börnin á mig rífa óæskilegan hárvöxt af fótleggjum með skelfingarblik í augum. Og svo þegar ég rek upp sársaukaöskur, þá spyrja þau því ég sé að þessu ef þetta er svona vont. Ég er auðvitað búin að fræða þau um það að þegar maður er kona þá þarf maður að leggja ýmislegt á sig. Í þessu tilviki vaxmeðferð, því ekki vil ég misþyrma vesalings dömurakvélinni minni á þýskættaða hárvextinum. Jæja þýðir ekki að slugsa svona á netinu, læra meira! Tata Hetjan

Nú skartar krakkinn sárum um allann kropp. Er að vísu ennþá lasin og hlaupabólgna augað hennar er ansi ófrýnilegt. Barnið neitar að láta sjá sig á almannafæri fyrr en sárin verða horfin með öllu. Jóhann er bólulaus eins og er. Ég nennessuiggi!

Jöbb ég og mútta mín vorum að plana mæðgnaferð til svíaríkis á haustmánuðum. Erindið er að heimsækja litlu systur sem mun flytja þangað fyrri part sumars.  Að sjálfsögðu fá ættingjar í köben líka að fá að njóta þess heiðurs að fá okkur í heimsókn. Svei mér þá ef ég er ekki bara þrælspennt yfir þessu öllu. Jafnvel þó að mágur minn sé búinn að hóta mér með úldinni dósasíld a la svíþjóð.

Annars er hlaupabólan í rénun á Írisi. Hún fékk afskaplega slæmt tilfelli og síðast taldi ég um 100 stykki bara á bakinu hennar. Svo er hún með eina undir ilinni sem er mjög óþægileg, og andlitið er eins og pepperonipizza mínus osturinn. Ég fletti upp fötunum á litla stubb á klukkutíma fresti núna í leit að fyrstu hlaupabólunum. Ennþá þjáist hann bara af hori niður til afríku og hósta sem harðasti reykingamaður gæti verið stoltur af.

Later dudes

Vill einhver gefa mér feita spænskusprautu?? Mig langar að læra tungumálið en hinsvegar þá er ég í tómu tjóni. Ég fékk 5.2 á netprófi og ég er bara alllls ekki sátt!! Estudio mucho ahora!!

Hasta luego

Hér er bólur á hlaupum um 8 ára kropp. Taldi ein 58 stykki á bakinu hennar Írisar. Bíð ofsalega spennt eftir því að Jóhann smitist líka eða þannig.

Baunasúpan heppnaðist svona ljómandi vel gær. Ég og Júlíus sátum að snæðingi með sælubros á vör á meðan afkvæmin létu andúð sína á matnum í ljós á ýmsan hátt. Íris bar við sig hlaupabólu og fékk að sleppa því hún sagðist vera svo lystarlaus, Andrea borðaði jú súpuna en var ekkert agalega kát á svipinn, Karen reyndi samningaviðræður til að fá að sleppa við eitt ef hún borðaði smá af hinu og Jóhann hrækti á borðið því sem upp í hann fór. EF það eru ekki góð meðmæli þá veit ég ekki hvað.

Hér eru svo bólótta álfadrottningin, Bubbi byggir og góða nornin í góðum fíling á bolludag.

Kvillinn sem er að valda hita hjá álfadrottningunni þannig að hún komst ekki út að maska í gær, er kominn í ljós. Stúlkukindin er komin með hlaupabóluna. Hér er ég að þjást úr samúðarkláða.

Og þá gætu margir spurt sig hvað í ósköpunum það væri. Maskadagur er sem sagt bolludagur hér á Ísafirði. Ísfirðingar hafa víst ruglað öskudegi og bolludegi saman fyrir kadrilljón árum og því klæðast börnin grímubúningum á bolludegi. Svo labba þau hús úr húsi um kvöldið og syngja fyrir nammi.

Í tilefni af þessum degi var að sjálfsögðu grímuball bæði í leikskólanum og grunnskólanum. Úr þessu húsi sendi ég í morgun eina álfadrottningu, einn Bubba byggir, eina góða norn og einn morgunfúlann ungling.

Álfadrottningin veiktist í kvöld og komst ekki á nammirúntinn, svo að góða nornin fór og dró björg í bú í staðinn. Kom reyndar hundsvekkt heim og sagðist hafa fengið miklu minna en í fyrra, því að dömurnar sem hún var að "maska" með vildu hoppa yfir eitthvað hús í staðinn fyrir að sníkja. Hún verður nú samt að láta þessi 2 kg duga.

Óver und out

Í dag rann upp fyrsti í bollu. Ég og 3 afkvæmi af 4, örkuðum í bæinn og verluðum okkur bollur. Reyndar verlsaði ég mér bara bollur því að afkvæmin voru ekkert voðalega spennt þó að mamman væri það. Og þar sem að það er glampandi sólskin og yndislegt veður á Ísafirði í dag, þá settumst við á bekk við kirkjuna, þar sem ég úðaði í mig bollum og börnin horfðu á. Þóttist vera að bjóða börnunum með mér þegar einhver labbaði framhjá, bara svona svo að engin fattaði hversu gráðug ég væri. Örstuttu síðar voru bollurnar komnar í magann og rjóminn út um allt andlit. Þá reis ég á fætur með sælubros á andliti, sem að vísu sást ekki fyrir rjóma, og hélt af stað heim. Á morgun  er svo annar í bollu og þá ætla ég nú að baka þær sjálf.

Sit hér núna og er að horfa á mitt ástkæra fótboltalið tapa fyrir Blackburn og það er sárt. Samt fallega gert af þeim að taka eitt tímabil í það að leifa öðrum að vinna. Það á alltaf að vera góður við minnimáttar.

Bolla bolla

Já ég er steik. Gjörsamlega í steik og dofin í hausnum. Það er slæmt mál því ég þarf að nota hausinn mjög mikið þessa vikuna. Búin að prófa að lemja hausnum utan í vegg, en neibb, uppskar ekkert annað en kúlu og hausverk. Búin að leggja höfuðið í ruslatunnuna og skella lokinu á, en neibb, þá fóru bara einhverjir fuglar að syngja og ég varð mjög smeyk því þeir hefðu getað verið með fuglaflensuna. Búin að prófa að drekka líter af tabasco sósu en neibb þá steikti ég í mér tunguna ofan á allt hitt.
Kann einhver að afsteikja haus?!?

Green You are a very calm and contemplative person. Others are drawn to your peaceful, nurturing nature. Find out your color at Quiz Me!

Er að fara í munnlegt próf í spænsku á fimmtudaginn og dauðkvíði fyrir. Ekki nóg með að að ég sé pínulítil mannafæla, þá er ég líka með talaviðókunnugtfólkísímanum fóbíu. Svo er ég náttúrulega alls ekki búin að vera dugleg að læra tungumálið heldur.
Hlýt að geta lært nokkrar málfræðireglur og sagnir fyrir fimmtudaginn

Hasta la vista

Mikið afskaplega er ég ánægð með fréttastofu NFS. Þeir sem ekki vita um hvað málið snýst. Þá voru fréttamenn kompáss að gabba menn sem sækja í unglings stúlkur. Það var sett inn auglýsing á stefnumótasíðu og innan 2 sólarhringa var þessi "13 ára stúlka" búin að fá yfir 80 skilaboð.
Hún spjallaði við þá á msn og í síma og þessir menn voru sko meira en til í að hitta hana, þrátt fyrir að hún væri svona ung og þeir alveg upp í fimmtugir.
Svo mættu þessir gaurar á fundarstað þar sem þeirra beið fréttamenn kompás.
Þeir eru reyndar allir blörraðir, en engu að síður þá hlýtur þetta að hafa þau áhrif að þessir menn haldi höndum að sér á netinu, að einhverju leiti allavega.

Mikið er þessi veröld sjúk. Og mikið er þetta skelfilega algengt.
Ég er reið og ég er sorgmædd.

eru ekki einir af vöggugjöfum mínum. Ekki nóg að söngröddin sé miður falleg, þá er ég arfa lélegur söngvari.
Daginn sem ég uppgötvaði að líklega væri ég ekki góður söngvari, var þegar Andrea var pínu lítil. Ég eins og góðum mæðrum sæmir, ætlaði að syngja vögguvísu fyrir dóttur mína. Dóttirin fór hinsvegar að gráta þegar ég hóf sönginn. Ég huggaði hana og ákvað svo að reyna aftur. En nei barnið fór að hágráta. Bragð er að þegar barnið finnur ekki satt?
Einhverntímann hef ég nú sungið svo að Julio minn hafi heyrt. Þá fæ ég alltaf að heyra "nei reyndu að syngja eðlilega, ekki fíflast" og ég svara þá alltaf "en ég er ekki að fíflast!"
og þá kemur til baka "nei láttu ekki svona!"
Ég sem sagt syng eins og manneskja sem getur sungið en er að fíflast og græti ungabörn um leið.
Það er kannski talent út af fyrir sig??

Adiós